اسلام آباد: عوامی مسلم لیگ کے سربراہ اور سابق وزیر داخلہ شیخ رشید نے کہا ہے کہ بھارت سے تجارت شروع کرنے کے بعد اب یہ اسرائیل کی طرف بڑھیں گے، پانی کا ریلہ سڑکوں سے گزرنے کے بعد عوام کا ریلہ سڑکوں پر آئے گا۔
تفصیلات کے مطابق سماجی رابطوں کی ویب سائٹ ٹوئٹر پر جاری بیان میں شیخ رشید نے لکھا ’آئی ایم ایف کا قرضہ منظور ہوا ہے، کوئی جیک پاٹ نہیں لگا، واپسی قوم نے کرنی ہے۔ 20 سے زیادہ مرتبہ لئے قرض پر، جو قوم نے ادا کرنا ہے، وزراءشادیانے بجا رہے ہیں۔ پانی کا ریلہ سڑکوں سے گزرنے کے بعد عوام کا ریلہ سڑکوں پر آئے گا۔ کروڑوں افراد کی بقاءکی جنگ میں سیاست دان ابھی بھی دست و گریباں ہیں۔ ستمبر ستمگر ہو گا۔‘
انہوں نے مزید کہا ’بھارت سے تجارت شروع کرنے کے بعد اب یہ اسرائیل کی طرف بڑھیں گے۔ سفید پوش ہی نہیں، صاحب حیثیت بھی بجلی کے بل ادا نہیں کر پا رہا۔ سیلاب سے مری قوم آسمان کی طرف دیکھ رہی ہے۔ سیلاب کے بعد غذائی قلت اور وبائی بحران آئے گا۔ عمران خان کی طرح حکمران بھی ٹیلی تھون کرائیں تاکہ ان کی مقبولیت کا پتہ چل سکے۔‘
b2b16a888a5ba4e7e6371c42bb38ae9e
