لاہور : ترجمان پی ٹی آئی فواد چودھری نے کہا ہے کہ جنرل باجوہ ، جنرل فیض اور جسٹس ثاقب نثار کے خلاف عمران خان کو این آر او دینے کے حوالے سے پراپیگنڈا سب بکواس ہے۔ کراچی میں پی ٹی آئی کا راستہ روکنے کیلئے ایم کیو ایم کے غنڈوں دوبارہ اکٹھا کیا جا رہا ہے۔
فواد چودھری نے اپنے ٹویٹ میں کہا کہ سپریم کورٹ کے چیف جسٹس عمر بندیال اس بنچ (جس نے عمران خان کو صادق و امین قرار دیا تھا) کا حصہ تھے ۔ امید ہے میڈیا مہم کا جواب سپریم کورٹ دے گی ۔
سپریم کورٹ کے چیف جسٹس عمر بندیال اس بنچ کا حصہ تھے، امید ہے اس میڈیا مہم کا جواب سپریم کورٹ دے گی ایسے ہی پروپیگنڈے اداروں کو پامال کرتے ہیں، مجھے ذاتی طور پر علم ہے کہ یہ سب مکمل بکواس ہے، اس کہانی کو بلاول کے بیان کے تناظر میں دیکھنے کی ضرورت ہے https://t.co/jevic6JvqA
— Ch Fawad Hussain (@fawadchaudhry) December 30, 2022
انہوں نے کہا کہ ایسے ہی پروپیگنڈے اداروں کو پامال کرتے ہیں ۔ مجھے ذاتی طور پر علم ہے کہ یہ سب مکمل بکواس ہے ۔ اس کہانی کو بلاول کے بیان کے تناظر میں دیکھنے کی ضرورت ہے۔
فواد چودھری نے مزید کہا کہ کراچی کا شہر روشنیوں کا شہرتھا پھراسٹیبلشمنٹ کو خیال آیا کہ ہماری پارٹی ہونی چاہیے سارے غنڈے جمع کر کے ایم کیوایم بنا دی گئی ۔عشروں آگ خون کا کھیل کھیلا گیا،مشکل سے جان چھوٹی۔
کراچی کا شہر روشنیوں کا شہرتھا پھراسٹیبلشمنٹ کو خیال آیا کہ ہماری پارٹی ہونی چاہئے سارے غنڈے جمع کر کے ایم کیوایم بنا دی گئ عشروں آگ خون کا کھیل کھیلا گیا،مشکل سے جان چھوٹی اب پھرخیال آ رہا ہے کہ تحریک انصاف کو روکنا ہے تو بارود کا ڈھیر اکٹھا کر کے شہر میں چراغاں کی کوشش کی جائے
— Ch Fawad Hussain (@fawadchaudhry) December 30, 2022
انہوں نے الزام لگایا کہ اب پھرخیال آ رہا ہے کہ تحریک انصاف کو روکنا ہے تو بارود کا ڈھیر اکٹھا کر کے شہر میں چراغاں کی کوشش کی جائے۔
