نیویارک: سماجی رابطوں کی ایپلی کیشن ، واٹس ایپ میں ایک نئے فیچر کا آغاز کیا جارہا ہے جس کے ذریعے ایک وقت میں کئی چیٹس کو منتخب کیا جاسکتا ہے ۔
واٹس ایپ میں غیر ضروری پیغامات کو بھی دیکھنے کے لیے ایک ایک کرکے کھولنا پڑتا ہے ۔ نئے فیچر ایپلی کیشن میں شامل ہونے کے بعد تمام غیر ضروری پیغامات کو ایک ہی وقت میں منتخب کرکے دیکھا جاسکتا ہے ۔ ڈبلیو اے بیٹا انفو نامی ویب سائٹ کے مطابق یہ فیچر عام عوام کے لیے ریلیز کرنے سے پہلے بیٹا ورژن سے آغاز کیا جائے گا ۔
