لاہور:کل سے پٹرولیم مصنوعات کی قیمتوں میں مزید اضافے کا امکان ہے، اوگرا نے سمری وزارت پٹرولیم کو فراہم کر دی۔
ذرائع کے مطابق کل یکم فروری سے پٹرول کی قیمت میں2 روپے 60 پیسے، ہائی اسپیڈ ڈیزل 3 روپے، مٹی کا تیل4 روپے 20 پیسے، لائٹ ڈیزل میں ساڑھے4 روپے اضافے کا امکان ہے۔ادھر ذرائع کے مطابق اگر مٹی کے تیل اور لائٹ ڈیزل پر17روپے جی ایس ٹی عائد کیا گیا تو پھر ان پٹرولیم مصنوعات کی قیمتیں7 روپے سے 10 روپے تک بڑھ سکتی ہیں۔
واضح رہے کہ وفاقی حکومت اب ہر 15دن کے بعد قیمتوں میں اضافہ کرتی ہے، اوگرا نے سمری کو حتمی شکل دے کر وزارت پٹرولیم کو بھیج دی۔
