اوگرا نے پیٹرول سستا کرنے کی سمری وزارت کو ارسال کردی

اسلم آباد: اگست میں پٹرولیم مصنوعات کی قیمتوں میں کمی کا امکان ہے ۔ تفصیلات کے مطابق اوگرا نے یکم اگست سے پٹرول 3 روپے 63 پیسے ، ڈیزل 5 روپے 7 پیسے فی لیٹر سستا کرنے اور مٹی کا تیل 13 روپے جبکہ لائیٹ ڈیزل 10روپے فی لیٹرمہنگا کرنے کی سمری وزارت پٹرولیم کو ارسال کردی۔

اوگراسمری کے مطابق کمی کے بعد پٹرول کی نئی قیمت 67روپے 63پیسے جبکہ ڈیزل کی نئی قیمت 74روپے 83پیسے فی لیٹر مقرر کرنے کی سفارش کی گئی ہے ۔

دوسری جانب مٹی کے تیل کی نئی قیمت 57روپے فی لیٹر اور لائیٹ ڈیزل کی نئی قیمت 54روپے ایک پیسے فی لیٹرہونے کا امکان ہے ۔

واضح رہے کہ پٹرولیم مصنوعات کی نئی قیمتوں کا حتمی فیصلہ وزارت خزانہ کرے گی ۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں