کراچی : ٹک ٹاک سٹار حریم شاہ کی شادی پر چیئرمین پیپلزپارٹی بھی بول پڑے ۔
پاکستان پیپلزپارٹی کے چیئرمین بلاول بھٹو زرداری نے سندھ کے کسی بھی صوبائی وزیر کی ٹک ٹاک اسٹار حریم شاہ سے شادی کی خبر کو ’شوشہ‘ اور مسائل سے توجہ ہٹانے کی سازش قرار دے دیا۔
زرداری ہاؤس اسلام آباد میں جب ان سے پوچھا گیا کہ کچھ دنوں سے سندھ حکومت میں ایک دلہے کی تلاش ہے آپ کو اس معاملے کا علم ہے‘۔
سوال سن کر بلاول بھٹو زرداری پہلے مسکرائے اور پھر بولے ’یہ شوشہ ہے شوشہ، مسائل سے توجہ ہٹانے کیلئے اس قسم کی باتیں لے آتے ہیں، یہ سب ایسے ہی ہے ایسی حرکتوں کی کوئی حیثیت نہیں ہے اور نہ ہی اسی قسم کی کوئی بات ہوئی ہے‘۔
خیال رہے کہ گزشتہ دنوں ٹک ٹاک اسٹار حریم شاہ نے شادی کا اعلان کیا تھا اور کہا تھاکہ پیپلز پارٹی کے رکن سندھ اسمبلی سے شادی کی ہے۔
ان کا کہنا تھاکہ شوہرپہلے سے شادی شدہ ہیں، پہلی بیوی کو راضی کرنے پر ان کا نام بتاؤں گی۔
