چوہدری شوگر ملز کیس، نواز شریف، مریم اور یوسف عباس کو حاضری سے استثنٰی

چوہدری شوگر ملز کیس، نواز شریف، مریم اور یوسف عباس کو حاضری سے استثنٰی
ریفرنس دائر ہونے تک عدالت کے سامنے کوئی کارروائی زیر سماعت نہیں ہے، وکیل نواز شریف۔۔۔۔۔۔۔۔۔۔۔۔۔۔فائل فوٹو

لاہور: چوہدری شوگر ملز کیس میں بڑی پیش رفت ہوئی۔ شریف خاندان کو بڑا ریلیف مل گیا۔ عدالت نے ریفرنس دائر ہونے تک نوازشریف، مریم نواز اور یوسف عباس کو حاضری سے استثنی دے دیا۔


نوازشریف کے وکیل نے موقف اختیار کیا کہ تینوں ملزمان کی ہائیکورٹ سے ضمانت منظور ہو چکی ہے۔ نیب کی جانب سے ابھی تک ریفرنس دائر نہیں کیا گیا، ریفرنس دائر ہونے تک عدالت کے سامنے کوئی کارروائی زیر سماعت نہیں ہے۔ عدالت ریفرنس دائر ہونے تک نواز شریف، مریم نواز اور یوسف عباس کو حاضری سے اسثنی دے اور جب ریفرنس دائر ہوگا تو ملزمان کو طلب کیا جائےگا۔

عدالت نے وکلا کے دلائل سننے کے بعد ریفرنس دائر ہونے تک نوازشریف، مریم نواز اور یوسف عباس کو حاضری سے استثنی دے دیا۔