بھارت میں کسانوں نے برہنہ حالت میں پارلیمنٹ جانے کا عندیہ دے دیا

بھارت میں کسانوں نے برہنہ حالت میں پارلیمنٹ جانے کا عندیہ دے دیا
تقریباً اسّی کروڑ سے زائد دیہی آبادی کے ساتھ بھارت کے دیہات روئے زمین پر مسائل سے بھرے ہیں۔۔۔۔۔۔فوٹو/ بشکریہ این ڈی ٹی وی

دہلی: بھارت میں کسانوں نے مطالبات پورے نہ ہونے پر احتجاجاً برہنہ پارلیمنٹ جانے کا عندیہ دے دیا۔ حکومتی پالیسیوں کے خلاف بھارت میں کسان آئے دن سراپا احتجاج رہتے ہیں ۔ بھارتی میڈیا کے مطابق آج صبح سویرے ریاست تامل ناڈو سے ایک ہزار کسان دہلی پہنچے اور انہوں نے ہاتھوں میں اپنے ساتھیوں کے ڈھانچے اٹھا رکھے تھے جنہوں نے غربت کے باعث خودکشی کر لی تھی۔


کسانوں کے ایک گروہ نے اعلان کیا کہ اگر آج انہیں پارلیمنٹ جانے نہ دیا گیا تو وہ برہنہ مارچ کریں گے۔

واضح رہے تقریباً اسّی کروڑ سے زائد دیہی آبادی کے ساتھ بھارت کے دیہات روئے زمین پر مسائل سے بھرے ہیں جہاں کسانوں کی خودکشیوں، بچوں میں غذائی کمی، بڑھتی بے روزگاری، قرض داری اور زراعت کی مجموعی تباہی کی وبا پھیلی ہوئی ہے۔