زرتاج گل کے جعلی ٹوئٹر اکاؤنٹ سے میرا سیٹھی کی شادی کی تصویر پر تنقید ،نجم سیٹھی کا معافی مانگنے کا مطالبہ

زرتاج گل کے جعلی ٹوئٹر اکاؤنٹ سے میرا سیٹھی کی شادی کی تصویر پر تنقید ،نجم سیٹھی کا معافی مانگنے کا مطالبہ

لاہور:سابق چیئرمین پاکستان کرکٹ بورڈ اور نجم سیٹھی کی بیٹی میرا سیٹھی کی شادی میں تصاویر پر تنقید کرنا وزیر مملکت برائے موسمیاتی تبدیلی زرتاج گل وزیر کو مہنگا پڑگیا ۔


تفصیلات کے مطابق ہوا کچھ یوں کہ زرتاج گل نے سماجی رابطے کی ویب سائٹ ٹوئٹر پر میرا سیٹھی کی ان کے شوہر اور نجم سیٹحی کے ساتھ تصویر شیئر کی جس میں علی سیٹھی اپنی بہن کا بوسہ لیتے نظر آرہے ہیں۔

اس تصویر کو لیکر زرتاج گل نے کہا کہ ”یہ ہے جناب محترم نجم سیٹھی صاحب اور یہ تصویر ہے ان کی بیٹی کی شادی کی اور یہ پپی لینے والا اس کا دولہا نہیں اس کا دوست ہے اور اس کا دولہا آگے آگے چل رہا ہے۔یہ نجم سیٹھی دن رات عمران خان پر کیچڑ اچھالتا تھا اب اپنی اخلاقیات دیکھ لے۔لعنت ہی بنتی ہے۔

وزیر مملکت کی جانب سے بے جا تنقید اور کم علمی کا نوٹس لیتے ہوئے نجم سیٹھی بھی میدان میں کود پڑے اور جواب دیتے ہوئے کہا کہ ”کلائمیٹ منسٹر صاحبہ آپ کو ٹھنڈ تو نہیں لگ رہی ؟یہ میرا سیٹھی کا بھائی علی سیٹھی ہے!فوراً معافی مانگو۔

بعدازاں سوشل میڈیا صارفین کی جانب سے بھی زرتاج گل وزیر کو تنقید کا نشانہ بنایا گیا اور ان کو وزارت سے مستعفی ہونے کا مشورہ بھی دے ڈالا۔خیال رہے کہ اداکارہ میرا سیٹھی کی شادی گزشتہ دنوں ان کے دوست سے ہوئی تھی۔