لاہور:ٹک ٹاک سٹار حریم شاہ سرعام قانون کی دھجیاں اڑانے لگی،پولیس ٹک ٹاک حسینہ کو گرفتار کرنے میں بری طرح ناکام ہوگئی۔
تفصیلات کے مطابق گزشتہ دنوں وزارت خارجہ میں وزیراعظم عمران خان کی کرسی پر ٹک ٹاک ویڈیو بنانے اور خبروں کی زینت بننے والی ٹک ٹاک سٹار حریم شاہ کی رات کے وقت سرعام ہوائی فائرنگ کرنے کی ویڈیو بھی وائر ل ہوگئی ہے ۔
ویڈیو میں دیکھا جاسکتا ہے کہ حریم شاہ سرخ رنگ کا لباس زیب تن کئے قانون کا منہ چڑانے میں مصروف ہے اور کسی منجھے ہوئے شوٹر کی طرح ہوائی فائرنگ کررہی ہے۔
ویڈیو منظر عام پر آنے کے بعد سوشل میڈیا پر وائر ل ہوگئی اور ہر کوئی یہ پوچھتا نظر آتا ہے کہ آخر کس کی شہ پر حریم شاہ سرعام قانون کی دھجیاں اڑاتی پھر رہی ہے۔
یاد رہے کہ آئی جی پنجاب نے ہوائی فائرنگ کرنے والوں کے خلاف سخت کارروائی کرنے کا حکم دے رکھا ہے۔
