مذاکرات کا کوئی آپشن نہیں بچا، عوام کا فیصلہ فوری انتخابات ہے: عمران اسماعیل

مذاکرات کا کوئی آپشن نہیں بچا، عوام کا فیصلہ فوری انتخابات ہے: عمران اسماعیل

لاہور: پاکستان تحریک انصاف (پی ٹی آئی) کے رہنما اور سابق گورنر سندھ عمران اسماعیل نے کہا ہے کہ مذاکرات کا کوئی آپشن نہیں بچا، عوام کا فیصلہ فوری انتخابات ہے۔

تفصیلات کے مطابق سابق گورنر سندھ نے سماجی رابطوں کی ویب سائٹ ٹوئٹر پر جاری پیغام میں لکھا کہ مذاکرات کی افواہیں اڑانے والے ناکام ہوں گے، مذاکرات کا کوئی آپشن نہیں بچا، عوام کا فیصلہ فوری انتخابات، کارکنوں، رہنماؤں کی گرفتاریاں، جھوٹے مقدمے بنائے جا رہے ہیں۔ میڈیا پر پابندی اور کابینہ کی طرح کمیٹی میں بھرمار کر کے گمراہ کیا جا رہا ہے۔ ہمارا صرف ون پوائنٹ ایجنڈا ہے، حقیقی آزادی۔‘ 

واضح رہے کہ پی ٹی آئی کا لانگ مارچ دوسرے روز شاہدرہ سے نکل کر لاہور کے نواحی علاقے رچنا ٹاؤن پہنچا تھا جو آج مریدکے سے شروع ہو گا۔

مصنف کے بارے میں