اسلام آباد: پاکستان میں کورونا سے مزید 6افراد دم توڑ گئے جس کے بعد ملک بھر میں اموات کی مجموعی تعداد 28ہزار927 ہو گئی۔
نیشنل کمانڈ اینڈ آپریشن سنٹر (این سی اوسی) کے مطابق 24 گھنٹے کے دوران مزید 47ہزار856کورونا ٹیسٹ کیے گئے جس میں 515نئے کیسز رپورٹ ہوئے،متاثرین کی تعداد 12لاکھ95ہزار376 تک جا پہنچی۔ کورونا کے مثبت کیسز کی شرح1.07فیصد رہی۔ اس وقت 633مریضوں کی حالت تشویشناک ہے جو کہ آئی سی یو میں زیر علاج ہیں۔
دوسری جانب دنیا بھر میں پھیلاؤ تیز ہونے کے بعد پاکستان کے بڑے شہروں میں بھی کورونا کے نئے ویرینٹ اومی کرون کے کیسز سامنے آچکے ہیں جس کے بعد طبی ماہرین شہریوں سے جلد از جلد ویکسی نیشن کا عمل مکمل کروانے کی تاکید کر رہے ہیں تاکہ اومی کرون کے خطرناک پھیلاؤ کو روکا جا سکے۔
