کپل شرما اور سنیل گروور کے مابین اختلاف کم ہونے لگا

کپل شرما اور سنیل گروور کے مابین اختلاف کم ہونے لگا

لاہور: مایہ ناز بھارتی کامیڈین سنیل گروور اور کپل شرما کے درمیاں اختلافات کم ہونے لگے اور بہت جلد دونوں کو ایک ساتھ دوبارہ دیکھنے کا امکان ظاہر کیا جا رہا ہے۔


بھارتی میڈیا کے مطابق ایک تقریب میں شرکت کے بعد میڈیا سے گفتگو کرتے ہوئے سنیل گروور نے کہا کہ میں ’کپل شرما شو‘ کو بہت یاد کرتا ہوں کیوں کہ وہ میری زندگی کا بہت خوبصورت حصہ رہا جہاں ہم سب مل کر لوگوں کو ہنساتے تھے۔ ان کا کہنا تھا کہ میرا اور کپل شرما کا اچھا تعلق رہا ہے اور ہم نے ایک ساتھ اچھا شو کیا جس سے لوگوں میں مسکراہٹیں بکھیریں ہیں۔ایک ساتھ کام کرنے سے متعلق سوال پر سنیل کا کہنا تھا کہ ابھی کوئی ایسا شو نہیں چل رہا جس میں دونوں ساتھ کام کریں۔

پرانے کرداروں کے حوالے سے انہوں نے کہا کہ یہ سارے سروے کرنے کا کام چینل کا ہوتا ہے اور کسی چینل کو لگتا ہے کہ ہمیں ان کرداروں میں واپس آنا چاہیے تو وہ اس کے لیے تیار ہوں۔سنیل گروور کی جانب سے مثبت پیغام کے بعد انڈسٹری میں ایک بار پھر دونوں کے ایک ساتھ کام کرنے کی چہ مگوئیاں شروع ہوگئی ہیں۔