خیبرپختونخواہ میں عیسائی پادری کا دن دیہاڑے قتل تکلیف دہ اور تشویشناک ہے: مریم نواز 

خیبرپختونخواہ میں عیسائی پادری کا دن دیہاڑے قتل تکلیف دہ اور تشویشناک ہے: مریم نواز 
سورس: فوٹو: بشکریہ ٹوئٹر

لاہور: پاکستان مسلم لیگ (ن) کی نائب صدر مریم نواز شریف نے کہا ہے کہ خیبر پختونخوا میں عیسائی پادری کا دن دیہاڑے قتل انتہائی تکلیف دہ اور تشویشناک ہے،کیا کوئی ایسی چیز ہے جو اس حکومت کے تحت صحیح طریقے سے کام کر رہی ہے؟

تفصیلات کے مطابق مریم نواز شریف نے سماجی رابطوں کی ویب سائٹ ٹوئٹر پر جاری اپنے پیغام میں لکھا ’خیبر پختونخوا میں عیسائی پادری کا دن دیہاڑے قتل انتہائی تکلیف دہ اور تشویشناک ہے، پاکستان تمام شہریوں خصوصاً اقلیتوں کیلئے مساوی حقوق کے وعدے کیساتھ بنایا گیا تھا، وہ حقوق کہاں ہیں؟، کیا کوئی ایسی چیز ہے جو حکومت کے تحت صحیح طریقے سے کام کر رہی ہے؟

مریم نواز شریف نے ایک اور ٹویٹ میں کہا ’اگر مجھے بے حس اور سنگدل حکومت سے معمولی سی امید بھی ہوتی تو میں انہیں نا صرف سانحہ پشاور کے متاثرین کے خاندانوں سے ملنے کا کہتی بلکہ مسیحی برادری سے تعزیت کرنے اور مشکل کی اس گھڑی میں ساتھ کھڑے رہنے کا مشورہ بھی دیتی۔‘ 

مصنف کے بارے میں