ڈیرن سیمی نے ایک مرتبہ پھر پاکستانیوں کے دل جیت لیے

ڈیرن سیمی نے ایک مرتبہ پھر پاکستانیوں کے دل جیت لیے
فوٹو: فائل

پشاور :پاکستان سپر لیگ (پی ایس ایل ) ٹیم پشاور زلمی کے کپتان ڈیرن سیمی نے ایک مرتبہ پھر پاکستانیوں کے دل جیت لیے۔


تفصیلات کے مطابق پشاور زلمی کے چیئرمین جاوید آفریدی نے پشتو میں ٹوئیٹ کرتے ہوئے کہا کہ پشتو مجھے میری والدہ نے سکھائی .اس لیے پشتو زبان سے مجھے ماں جیسا پیار ہے اور اس پشتو زبان کے حوالے سے دن پر سب کو مبارکباد.

جواب میں ڈیرن سیمی نے پشتو ٹوئیٹ کیا کہ وہ پشتو زبان زیادہ لکھ نہیں سکتے لیکن وہ بول اور کچھ کچھ سمجھ ضرور سکتے ہیں. اور آپ (جاویدآفریدی) کی بات سے متفق ہوں اور مبارکباد دیتا ہوں.ڈیرن سیمی نے کہا کہ پشتو زبان انہیں فینز کے دل کے مزید قریب لاتی ہے.

جس پر جاوید آفریدی نے ان کا شکریہ ادا کیا .جاوید آفریدی نے ڈیرن سیمی کی ویڈیو بھی اپ لوڈ کی جس میں وہ زلمی اور پاکستان فینز کو کہہ رہے ہیں کہ میں آپ سب سے بہت پیار کرتا ہوں۔

  نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں