امریکا دہشت گردی کے خلاف پاک فوج کی قربانیوں کو سراہتا ہے، امریکی نائب معاون وزیر خارجہ

امریکا دہشت گردی کے خلاف پاک فوج کی قربانیوں کو سراہتا ہے، امریکی نائب معاون وزیر خارجہ

image by facebook

راولپنڈی: چیف آف آرمی سٹاف جنرل قمر جاوید باجوہ کی امریکی نائب معاون وزیر خارجہ ایلس ویلز سے ملاقات ہوئی جس میں خطے میں امن و استحکام کے مشترکہ مقصد کے عزم کا اعادہ کیا گیا۔


پاک فوج کے شعبہ تعلقات عامہ (آئی ایس پی آر) کے اعلامیے کے مطابق ایلس ویلز نے کہا کہ امریکا دہشت گردی کے خلاف پاکستانی عوام اور افواج کی قربانیوں کو سراہتا ہے۔

یہ بھی پڑھیئے:نواز شریف نے میرے ساتھ بے وفائی نہیں دشمنی کی ہے : چوہدری نثار
 
 
ملاقات میں باہمی دلچسپی، علاقائی سلامتی کے امور اور دونوں ملکوں کے درمیان تعاون کے متعلقہ امور پرتبادلہ خیال کیا گیا۔

آئی ایس پی آر کے مطابق ملاقات میں خطے میں امن و استحکام کے مشترکہ مقصد کے عزم کا اعادہ جبکہ اس سے متعلق اقدامات پر تبادلہ خیال کیا گیا ، اعلامیے میں مزید بتایا گیا کہ ملاقات میں مختلف سطحوں پر رابطےجاری رکھنے پر اتفاق کیا گیا۔