لاہور : پاکستان کے کرکٹ سٹار شاہد خان آفریدی آئی سی سی کی جانب سے میچ میں ورلڈ الیون کی قیادت کریں گے۔ انگلش کرکٹر آئن مورگن انجری کے بعد میچ کی قیادت سے دستبردار ہو گئے۔
تفصیلات کے مطابق ورلڈ الیون کی قیادت کرنے والے ائن مورگن کی انگلی میں فریکچر ہو گیا۔ مورگن کی جگہ سیم بلنگز کو ٹیم میں شامل کر لیا گیا۔ آئن مورگن انجری کے بعد میچ کی قیادت سے دستبردار ہو گئے۔اس بات کا اعلان آئی سی سی کی جانب سے ٹوئٹر پر بھی کیا گیا ۔
4cabcff2c56ee20d15c44b622319f6b9
اس سے پہلے شاہد آفریدی کی انجری کی خبریں بھی سامنے آتی رہیں تھیں جس کے بعد یہ خدشہ ظاہر کیا جا رہا تھا کہ شائد گھٹنے کی انجری کے باعث شاہد آفریدی میچ ہی نہ کھیل پائیں تاہم 18 مئی کو شاہد آفریدی نے ورلڈ الیون کی جانب سے میچ کھیلنے کا اعلان کر دیا۔
یہ بھی پڑھیں۔۔۔ڈومیسٹک ٹورنامنٹ قائد اعظم ٹرافی میں یو بی ایل کی ٹیم کم ہو گئی
واضح رہے کہ ویسٹ انڈیز اور ورلڈ الیون کے درمیان فنڈز اکٹھا کرنے کے لیے ٹی 20 میچ 31 مئی کو لارڈز میں کھیلا جانا ہے۔ورلڈ الیون اور کالی آندھی کے درمیان چیریٹی میچ 31مئی کو لارڈز کے تاریخی گراﺅنڈ میں شیڈول ہے۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
